Virusi i herpesit mund të përhapet nëpërmjet kontaktit lëkurë me lëkurë, veçanërisht gjatë kontaktit intim seksual. Kjo përfshin puthjen, seksin oral dhe kontaktin me organet gjenitale ose anusin. Virusi i herpesit shpeshherë mund të transmetohet edhe nëpërmjet një prerjeje të lëkurës.

Virusi i herpesit shpeshherë është përhapur nëpërmjet një shpërthimi të plagëve të lëkurës. Megjithatë, edhe kur nuk ka simptoma, virusi i herpesit mund të jetë prezent në lëkurë dhe mund të transmetohet tek njerëzit e tjerë që janë në kontakt të ngushtë me personin e infektuar.

Terminologjia mjekësore për virusin që çlirohet nga sipërfaqja e lëkurës është quajtur përhapje virale. Përhapja virale mund të ndodhë me simptoma (herpes simptomatik) dhe pa simptoma (herpes  asimptomatik). Ju mund të mos jeni ose viheni në dijeni se përhapja virale është duke ndodhur. Virusi nuk mund të përhapet kur është inaktiv. Nuk ka asnjë mënyrë për t’a ditur nëse virusi i herpesit është aktiv nëse nuk ka simptoma.

Ju nuk mund ta merrni herpesin gjenital duke ndarë gota me njëri tjetrin, peshqir ose nëpërmjet ndenjësve të tualetit.

A e kam marrë unë herpesin nga partneri im aktual?

Herpesi i tanishëm nuk është marrë domosdoshmërisht nga partneti aktual. Disa njerëz me herpes, për herë të parë mund të mendojnë se ato e kanë marrë herpesin nga partneri i tyre i kohëve të fundit (aktual). Megjithatë, për shkak se herpesi mund të rindodhë, ai mund të jetë marrë edhe nga një kontakt seksual i së shkuarës. P.sh. ju mund ta keni marrë herpesin nga një partner i së shkuarës dhe t’a transmetoni atë tek partneri aktual nëpërmjet përhapjes virale.

Shpesh është e vështirë për të identifikuar se nga është marrë infeksioni. Personi që mund t’jua ketë kaluar juve, mund të mos jetë fare në dijeni për bartjen e herpesit, pasi ato asnjëherë nuk kanë patur simptoma. Kërkimet kanë sugjeruar se është e mundur për të transmetuar herpesin e llojit 2 tek një partner, edhe nëse vetë personi nuk është duke përjetuar simptoma.

A e kaloj unë herpesin tek fëmija im gjatë shtatzënisë?

Herpesi mund t’i kalojë fëmijës nëpërmjet placentës kur fëmija është akoma në mitër (kjo ndodh vetëm kur femra është duke përjetuar infeksionin e saj të vetëm me herpes), gjatë përhapjes (kur femra është duke e kaluar virusin nëpërmjet organeve gjenitale) ose pas lindjes (nëpërmjet kontaktit lëkurë me lëkurë). Megjithatë, pjesa më e madhe e femrave me herpes gjenital kanë një shtatzëni normale dhe lindin fëmijë të shëndetshëm.

Fatmirësisht, gratë që kanë herpesin gjenital përpara se të ngelin shtatzënë kanë një rrezik të ulët të kalimit të virusit tek fëmijët e tyre, sepse trupi i tyre ka formuar antritrupa ndaj virusit. Këto antitrupa kalojnë placentën për të mbrojtur fëmijën.

Nëse infeksioni i parë i herpesit ndodh gjatë shtatzënisë, gruas zakonisht i jepen ilaçe antivirale. Nëse ky infeksion ndodh në shtatzëninë e vonë, atëherë rekomandohet që fëmija të lind nëpërmjet operacionit cezarian.

Episodet e fundit të herpesit gjenital në shtatzëni shfaqin një rrezik të vogël transmetimi. Ilaçet antivirale gjithashtu gjithashtu t’u jepen grave me herpes gjenital. Bebet gjithmonë monitorohen nga afër pas lindjes, në mënyrë që të kontrollohen për infeksione.

Nëse ju jeni shtatzënë dhe partneri juaj ka herpes gjenital, është e rëndësishme për të shmangur marrjen e virusit gjatë shtatzënisë. Shmangni kontaktin lëkurë me lëkurë dhe përdorni prezervativë.

Si mund t’a reduktoj rrezikun e transmetimit të herpesit?

Ju mund të zvogëloni rrezikun e transmetimit të herpesit nga respektimi i hapave të mëposhtëm:

1. Diskutoni herpesin gjenital me partnerin tuaj në mënyrë që të merrni të dy masat e nevojshme. Kur ju keni simptoma, zgjidhni aktivitete seksuale që nuk përfshijnë kontaktin lëkurë me lëkurë me zonën e infektuar.

2.Përdorni prezervativë. Prezervativët ju ofrojnë juve dhe partnerit tuaj një mbrojtje të mirë kundër një përhapjeje të gjerë të STD-ve. Por gjithashtu, prezervativët nuk ofrojnë një mbrojtje të të gjitha pjesëve potencialisht të mundshme për përhapjen e infeksionit, ato ofrojnë një mbrojtje të nevojshme kundër herpesit asimptomatik.

3.Përdorni një mbrojtës dentar. Ato janë veçanërisht efektivë gjatë seksit oral. Ato do të reduktojnë ekspozimin ndaj herpesit oral dhe të herpesit gjenital.

4.Qëndroni të informuar në lidhje me ilaçet antivirale që janë të pranishme. Marrja ditore e ilaçeve antivirale mund të reduktojë shpeshtësinë e përhapjes së infeksionit viral.  Infeksioni viral është më i shpeshtë në ditët e para. Nëse partnerja juaj është shtatzënë dhe nuk ka patur asnjëherë herpes, do të ishte e këshillueshme përdorimi i ilaçeve antivirale për të gjithë kohëzgjatjen e shtatzënisë për të parandaluar transmetimin nga mamaja tek fëmija. Ju mund të keni nevojë që t’a diskutoni këtë çështje me mjekun tuaj.

5.Pyesni partnerin tuaj nëse ai/ajo ka herpes. Nëse ato bartin të njëjtin lloj herpesi si ju. Kjo njohuri do të ishte veçanërisht e nevojshme nëse ju jeni në një marrëdhënie afatgjatë.